إلعبى غيرها ياماما

يمكن العنوان يشد انتباه بعضكم ويتعجب منه ...لكن فعلاً لا أجد رد يليق على
( ماما أمريكا) الا بالكلمة دى .إلعبى غيرها...

فى بداية الثورة لقينا اغلب البلاد معانا وفى صفنا وبـتأيد ثورتنا ومن أولهم كانت أمريكا
طبعاً احنا كشعب مبتلى من زمان بالأستعمار ما بتعدى علينا الامور دى ابداً...
ومش ممكن نصدق ان أمريكا فى غمضة عين بقت معانا ...لكن هى كدولة ماكرة كانت تعلم تمام
ان المخلوع فى النفس الأخير له يعنى بقى ورقة محروقة بالنسبة لها... فقالت تبقى بجميلة وقوفها معانا

لكن ايه بقى اللى قلب الموازين الان ؟؟!!!!!!!
طبعاً لأن الإسلاميين مش على مزاجها لا هى ولا أعوانها ولا اللى من شاكلتهم .....
وبعد ظهور المنظمات الاجنبية والتمويل الأجنبى المشبوه لهذه المنظمات ثارت ماما أمريكا على شعب مصر
ومفيش فى ايديها حاجة تعملها لعقابه إلا التهديد بمنع المعونة الأمريكية عن مصر وشعب مصر

مش عارفة نفسى كانت رايحة انى أشتم بس انا مؤدية ومش عايزة اجرح عيونكم بالكلام اللى مش كويس

لكن هقول حاجة واحدة ( حسبنا الله ونعم الوكيل )

يعنى هى امريكا متخيلة اننا شعب ساذج للدرجة دى !!!!!
بعد ثورة يناير وكمية الاعتصامات والاضرابات لأ وكمان عصيان مدنى هههههه
بعد كل ده متخيلة اننا نتهز من منع معونتها ياخراااااااااابى والله انا قربت اموت من الغيظ
طب تعالوا نتكلم بالعقل معونة قدرها 1,3 مليار دولار هى اللى تذلنا لأمريكا ..؟!!
والله الذى لا اله الا هو لا أمريكا ولا من والاها يعرفون كينونة الشعب المصرى ولا عناده ولاصبره

لا مليارات امريكا ولا غيرها ممكن تكسر مصر ولا تهز شعبها ...
ومن أجمل ردود الأفعال بعد تصريحات وتلميحات امريكا بقطع معونتها التافهة كان رد فعل الشيج
محمد حسان الذى أطلق مبادرة المعونة المصرية التى عن نفسى أعتبرها واجب وطنى ومن أفضل تفعيلات الثورة
المصرية ...وياما تحدثنا وتكلمنا عن اليابان ومدى حرص شعبها على التطور والتقدم وعن غاندى وازاى نهض بشعب الهند
اعتقد ان الاوان نفعل معتقدتنا الفكرية والثقافية شوية ونثبت للعالم كله ان اى شعب زى شعب مصر وثرواتنا
الطبيعية و الايدى العاملة الكتيرة جدا نقدر ننهض ببلدنا ونستغنى عن اى معونة ..
والله لو نجحت الحكومة الجديدة فى استرداد اموالنا المنهوبة والمسروقة هنقدر نعوض اى نقص فى ميزانية الدولة
..... اضرب لكم مثال ... اليوم قرأت ان محطات مترو الانفاق والقطارات موظفيها لم يستجيبوا للاضراب
والعصيان المدنى وقرروا يشتغلوا ساعة زيادة لمصر بدون اجر كانت النتيجة زيادة بمقدار 200 ألف جنية
فى الايرادات ...يعنى لو كل واحد اشتغل بضمير وبأتقان اكيد على مدار العام هيكون الدخل فى
كل قطاعات الدولة اكبر بكتير من هذا ..


اعود لكلامى عن مبادرة الشيخ حسان
أطلق الداعية الإسلامي الشيخ محمد حسان، مبادرة تحت اسم "المعونة المصرية"
والتي يهدف من ورائها إلى الاستغناء تماماً عن المعونة الأمريكية "عسكرياً واقتصادياً"،
واقتبس جزء من كلماته التى صرح بها على شاشات التليفزيون المصرى قائلاً

(( "أقول لأمريكا.. مصر قامة كبرى.. وستبقى كذلك إلى أبد الدهر.. ولن نركع أمام معونتكم التافهة
ولن نُذل أمام بضع ملاليم وأقسم بالله أن الشعب المصري سيجمع من خلال شبابه وعلمائه ورجال
أعماله حتى السيدات اللاتى يبعن الجرجير والطماطم في الشارع عشرات المليارات من الجنيهات
لهذه المبادرة، حتى لا ينكسر المصريون أمام دولة عدو مثل أمريكا" ))

ارجو ان تشاهدوا الفيديو الذى لا يتعدى دقائق قليلة وان يكون هناك تفاعل فى تعليقاتكم
وابداء رأيكم فى هذه المبادرة الطيبة .
ايضا من أجمل ردودالأفعال على هذا الفيديو الرائع
بعض الأخوة العرب الذين أبدوا تأيدهم للمبادرة و إستعدادهم للمساهمة فيها
ومن اجملها على الاطلاق تعليق أحد الأخوة الفلسطينيين ورغبته فى المساهمة

والله حتى لو لم تلق هذه المبادرة تأييد كافى فيكفى هذه المشاعر العربية الرائعة

ايضاً أسألكم الدعاء وأطلب منكم التأمين خلف الشيخ أدريس أبكر
دعاء لإخواننا بسوريا ...فرج الله همهم ونصرهم على عدو الله
فلا تنسوا إخوانكم بالله عليكم فى صلاتكم بالدعاء .

اللهم اااااااامين
جزاك الله خيرا اخى خالد على كلماتك الطيبة
تقبل الله منك دعاءك الجميل
بارك الله فيك