ليه تقتلنى ؟علشان بقول يسقط يسقط حكم العسكر؟

أم محمد مصطفى شهيد التحرير
دا تحديث
من كتر الالم والوجع مش عارفه اكتب شئ عن اللى بيحصل
نفسى اكتب بس مش عارفه اكتب ولا كلمه...مش مصدقه اللى بيتعمل فى شبابنا...مش مصدقه قتلهم بدم بارد كده
مش مصدقه بيقولوا القاده لهم ايه علشان كده بينزلوا يقتلوا اخواتهم
سؤال لأى ضابط وأى جندى....الاوامر دى مقدسه؟ صح
طيب أوامر ربنا...عمرك ما ضيعت فرض؟ عمرك ما ارتكبت اثم. طول عمرك بتنفذ اوامر ربنا؟
ياراجل لما ممكن يضيع فرض ومتنفذش اوامر رب العباد....ينفع ولله المثل الاعلى انك تطبق اوامر ظالمه؟.
متعرفش تضرب فى الهوا..متعرفش تضرب فى الارض مضطر هيقتلوك يعنى....يا ناس تطبيق الاوامر مش قرآن
القائد بتاعك ظالم تبقى ظالم زيه؟ ايه الفرق بينك وبين المجند الأمى الل مش فاهم حاجه
والله مقدرش ااقول غير ان اللى نفذ الاوامر مش مضطر ..ولكن حابب يعمل كده لانك مش فى الميدان..واللى قدامك مش العدو.
قتلت اخوك..يتمت اولاده؟وجعلت نساء ارامل وامهات ثكلى...بتعرف تنام عادى مرتاح عادى
هتقول ايه لربنا؟. هتعتذر بإيه
مكنش عدوك ..كان اخوك فى الوطن ..ركبتوا يوم مواصلات سوا..وقفتوا يوم قدام محل تت*****وا على الجذم...لعبتوا سوا وانتم صغيرين فى حديقةالحيوان...كنتم بتقولوا عليها جنينه الحوانننات صح؟ معقول بتنزل تضرب اخوك بالشكل العدونى ده فقط لانه قال يسقط يسقط حكم العسكر؟
طيب مهو كلنا بنقول يسقط يسقط حكم العسكر...هو مبارك مش كان عسكر؟
مهو كلنا عايزينها مدنيه...مختلف معايا...شايف انى غلطان...تقتلنى ياخويا تقتلنى ..ولا تفهمنى او تعاقبنى ..تسلب منى روحى وتحرمنى احقق أحلامى؟ ليه يا اخويا وانا نازل عايز بلدى أحسن
كل ده علشان كنت بقول يسقط يسقط حكم العسكر؟ مهو يسقط يسقط حكم العسكر
ليه يتمت ابنى ليه خليت مراتى الحامل ارمله...ليه حرقت قلب امى..ليه كسرت ابويا
علشان بس بقول يسقط يسقط حكم العسكر
طيب انا مت..وابنى اتيتم...وامى اتقهرت...وابويا انكسر ...وهيسقط يسقط حكم العسكر

كاتبه الموضوع الفقيرة إلى إلى الله أم البنات

اقتباس :

طيب انا مت..وابنى اتيتم...وامى اتقهرت...وابويا انكسر ...وهيسقط يسقط حكم العسكر

اشكرك استاذى على الانتقاء الطيب
وحسن الاختيار
جزاك الله خيرا

» أخر قصيدة لعبد الرحمن الابنودي.. لسجناء الحريه وضحايا حكم العسكر
» العباسية تنادي بإسقاط حكم العسكر لأول مرة بعد نجاح مسيرة "مش تكية"